عائلة آل مجلي
قصيدة
قصيدة للشاعر ثامر بن إبراهيم بن محمد في عمه الشيخ علي بن إبراهيم بن صالح بن فهد، وأتى الرد من الشاعر خالد.
القصيدة الأولى
الشاعر
ثامر بن إبراهيم بن محمد
2 مايو
في عمه الشيخ علي بن إبراهيم بن صالح بن فهد
القصيدة
يا ترثة ال فهيد يا قاضي الناس
جالي مجال اشهد عليك بقضيّة
الجندي اللي لو رفع يده تنحاس
اشياء ماندري عنّها يالرعيّة
من صغر سنّ، اخوانك اختاروا نبراس
وحطّوك شرق المملكة كانك فيّه
يوم حصلت لك تملي بذكرك الطاس
نحّيت عنها، وانتحت لك بـ جيًه
يا عمّي العلم الحسن يجي بقياس
انت الحسن جدّك تواضعت زيّه
اللي يشوف العز بنيان ولياس
والله مايسوى وسط بيتك ثريّه
الرد
الشاعر
خالد
30 مايو
الرد من الشاعر خالد
عانت كفوف الناس من سهم الإفلاس
وتنحر مداهيله تجرّ الرزيّه
ذخر الفقير وفي أياديه ترباس
لبواب تخفي الهيّنه والعصيّه
لو تزهمه زهّب فعايله بأقواس
ما تخطي نفوسٍ ثقال وشقيّه
من كان بلواها تناهيد وعماس
جاته تنومس به وراحت سليّه
نالت همومٍ ضاريه من هل البأس
ترقب هداده كلّ صبح وعشيّه
حايم قرايا نجد لفهيد قرناس
قامت تباشربه فعيد الضحيّه
اترك تعليقاً
يجب أنت تكون مسجل الدخول لتضيف تعليقاً.